नेपाल राष्ट्र बैंकले घरजग्गाको लगानीमा कडाइ गरेपछि घरजग्गा कारोबार घट्ने क्रम शुरु भएकोमा ६ महिनायता निकै ओह्रालो लागेको छ।

जेठ महिनासम्ममा काठमाडौं उपत्यकाको जग्गा कारोबार ८० प्रतिशतले घटेपछि राजस्व संकलन निकै प्रभावित भएको छ।

भूमिसुधार तथा व्यवस्थापन विभागको तथ्यांकअनुसार जेठ महिनामा काठमाडौं मालपोत कार्यालय डिल्लीबजारबाट रजिस्टे्रसन शुल्कअन्तर्गत ३ करोड २९ लाख ७४ हजार १ सय ३८ रुपियाँ कलंकी मालपोतबाट १ करोड ५६ लाख २८ हजार ७ सय ६८ र चावहिलबाट ३ करोड ६२ लाख ३४ हजार ३ रुपियाँ संकलन भएको छ। राष्ट्र बैंकले घरजग्गाको लगानीमा कडाइ गर्नुअघि काठमाडौं उपत्यकाका मालपोत कार्यालयबाट ४० करोडको हाराहारीमा राजस्व संकलन हुने गथ्र्यो। यसै गरी ललितपुरबाट २ करोड ७५ लाख १८ हजार २ सय र भक्तपुरबाट १ करोड ४८ लाख ४८ हजार ६ सय ४० रुपियाँ संकलन भएको छ।


काठमाडौं उपत्यकामा २५ रोपनी तराईमा १० बिघा र पहाडमा ७० रोपनीभन्दा बढी जग्गा राख्न नपाउने प्रावधान ऐनमा छ। हाल कारोबार घटेपछि जग्गाको मूल्य पनि स्थिर भएकॊ छ।

जुली भइन् दोस्रो कलेज टपर

By कृष्ण ढुंगाना,

जुली परियारलाई पढ्न सघाउने र शुभेच्छा प्रकट गर्ने लाखौंका लागि यो उत्साहको खबर हो। विश्वभरि छरिएका माइसन्सार पाठकको सहयोगमा कीर्तिपुरको शहीद स्मारक कलेज पढिरहेकी जुली बीबीएस पहिलो वर्षको ‘फस्ट टर्म’ परीक्षामा कलेज दोस्रो भएकी छन्। फलेबाँस (पर्वत)को भवानी उच्चमाविबाट नेपाली मिडियममा ‘प्लस टू’ सिध्याएकी जुलीले शहीद स्मारकमा अंग्रेजी मिडियममा पढिरहेकी छन्। ‘परीक्षापछिको पढाइ झनै राम्रो भएर गएको छ’, प्रगति विवरण बुझ्न कलेज पुगेका सरोकारवालाहरुलाई प्रिन्सिपल मिलनमान महर्जनले सुनाए- ‘जुली सम्भावित कलेज टपर हुन्।’