करिब १२ सय बंगलादेशी नागरिक खाडी मुलुक जान पाउने आसमा नक्कली नेपाली राहदानी पर्खेर काठमाडौमा बसिरहेका छन् ।
प्रहरीका अनुसार नेपाली राहदानी किर्ते गरी बंगलादेशी नागरिकलाई खाडी मुलुक पठाउने अन्तर्राष्ट्रिय गिरोहका एक सदस्यले दिएको बयानबाट यो खुलासा भएको हो ।
गिरोहले नेपाली राहदानी किर्ते गरी खाडी मुलुकमा रोजगारीका लागि पठाइदिने प्रलोभन देखाई उनीहरुलाई काठमाडौमा राखेको छ। यसका लागि यी बंगलादेशीले दलाललाई जनही दुई लाखदेखि तीन लाख ५० हजार टाँकासम्म बुझाएको स्रोत उल्लेख गर्दै अन्नपूर्ण पोष्ट दैनिकले जनाएको छ।
अनुसन्धानमा संलग्न महानगरीय प्रहरी वृत्त महाराजगञ्जका नायव उपरीक्षक दीपक थापाले करिब १२ हजार बंगलादेशी नेपाली राहदानीको पखाईमा बसेको जानकारी दिए । उनले भने, उनीहरुलाई नेपाली राहदानी किर्ते गरी खाडी लैजाने योजनाअनुसार यहाँ ल्याइएको खुलेको छ।
खाडी मुलुक जाने उद्देश्यलेनेपाल आएका अधिकांश बंगलादेशी राजधानीका विभिन्न स्थानमा राखिएका छन् । स्रोतका अनुसार उनीहरुलाई दलालले सामाखुसी, कोटेश्वर, पुतलीसडक, महाराजगञ्ज, गंगबुलगायतका स्थानमा बस्ने व्यवस्था मिलाइएको छ । केही बंगलादेशी भने काठमाडौबाहिर पनि बसेका छन् ।
