बुघबार,फेब्रुअरी ,१०,२०१०
प्रेम दिवसको अवसर पारेर यहि फेब्रुअरी १४ तारिखका दिन कोरियाको राजधानीमा सिओलमा साँगितिक ज्वालाको बिस्फोटन हुने भएको छ । पर्वत जिल्ला अस्पतालको सहयोगार्थ गुप्तेश्वर सांक्रितिक सौगात नामक कार्यक्रममा नेपालका चर्चित कलाकार नायिका रेखा थापा, गायिका कोमल ओली, सिन्धु मल्ल, गायक सुगम पोखरेल र हाँस्यकलाकार कमल गाउँलेले आ-आफ्नो प्रस्तुती प्रस्तुत गरेर कोरिया बासी नेपालीहरू माझ साँगितिक ज्वालाको बिस्फोटन गर्ने भएका छन् ।
पर्वत समाज कोरियाको आयोजनामा हुन लागेको उक्त बृहत साँगितिक कार्यक्रममा अबिबाहित गायिका कोमल ओलीले कोरियामा रहेका झ्वाँक तन्नेरीहरूको लागि बिशेष गीत गाउने भएकी छिन् । कोरियामा रहेका नेपाली झ्वाँक तन्नेरीहरू एकदमै मन पर्ने भएकोले र त्यसैमाथी प्रेम दिवस परेकोले आफ्नो बिल्कुलै नयाँ एल्बम 'त्यही मोराको मायाले' मा रहेका बिशेष गीतहरू गाउने गायिका ओलीले एस के नेपाल न्यूज सर्भिसजानकारी दिईन् ।
अहिले सम्म अबिबाहित रहेकी गायिका ओलीलाई प्रेम प्रस्ताव राख्न कोरियामा रहेका नेपाली झ्वाँक तन्नेरीहरूको लागी यो सुनौलो मौका रहेको छ । कार्यक्रममा जस्ले गायिका ओलीलाई प्रेम प्रस्ताव राख्छ उसलाई गायिका ओलीले 'आन्योङ हासियो' भन्दै गुलावको फूल दिनेछिन् । प्रेम दिवसको दिन कार्यक्रमको आयोजना गरिएकोले कार्यक्रम पूर्णरूपमा प्रेममय हुने नायिका रेखा थापाको भनाई छ ।
कार्यक्रममा सहभागी हरेक कलाकारले नयाँ प्रस्तुती प्रस्तुत गर्ने भएकोले कोरिया बासी नेपालीहरूलाई कार्यक्रममा सहभागी भएर कार्यक्रमलाई भव्य रूपले सफल पारिदिन आयोजकले बिनम्र अनुरोध गरेको छ । कार्यक्रममा आफ्नो प्रस्तुती पस्कन कलाकारहरू यहि बिहिबार कोरिया प्रस्थान गर्दैछन् । कार्यक्रम सिओल स्थित सदेमुन आर्ट हल (सदेमुन सागरी) मा मध्यान्न १२:३० बजे शुरू हुने छ ।
