नांगाहरूको सामूहिक स्नान

सोमबार, 24 फेब्रुअरी 2014 01:04

अस्ट्रेलियाको तस्मान समुद्रमा शनिबार नांगा मानिसको भीड लागेको थियो । सयौँ मानिसले समुद्रमा सामूहिक रूपमा नांगै डबुल्की मारेका छन् । नग्नताको समर्थनमा सात सयभन्दा बढी मानिसले यसरी सामूहिक स्नान गरेका हुन् । अस्ट्रेलियाको इतिहासमा नांगाहरूको यो अहिलेसम्मकै दोस्रो ठूलो सामूहिक स्नान हो । गत वर्ष अस्ट्रेलियाका राष्ट्रिय निकुञ्जका लागि आर्थिक सहयोग जुटाउन साढे सात सय मानिस सामूहिक रूपमा नांगिएका थिए । स्नानमा सहभागीमा कुनै ठूलै काम गर्दाको जस्तै आत्मसन्तुष्टि झल्किएको थियो । बिहान आठ बजेदेखि सामूहिक स्नान सुरु भएको थियो । स्नान कार्यक्रम आरम्भ हुनुअघि एक सहभागीले नांगाको भीडलाई सम्बोधन गर्दै भनेका थिए, ‘हामी सबै नांगै जन्मिएका हौँ । नग्नता हाम्रो जन्मजात स्वभाव हो । त्यसैले कसैले हाम्रो नांगो शरीर देख्ला कि भन्ने कुरालाई बाल दिनुहुँदैन ।’ कार्यक्रमपछि एक सहभागीले कार्यक्रमको अनलाइन पेजमा लेखेका छन्, ‘अरूका अगाडि अहिलेसम्म कहिल्यै नांगै ननुहाएकाले मलाई थोरै संकोच लागेको थियो । यद्यपि, अप्ठेरो हुनेगरी लाज भने लागेन । एकदमै मजा आयो ।’ स्नान गर्नेमध्ये कतिपयले शरीरका गोप्य मानिएका अंगमा नग्नताको समर्थन गर्दै नारा र पेन्टिङ कोरेका थिए ।

यसरी आउँदैछ चिनियाँ रेल

पूर्ण बस्नेत, हङकङ, माघ ७- चीनले तीव्र गतिमा विस्तार भइरहेको तिब्बत रेलमार्ग तीन वर्षभित्रै ल्हासाबाट सिगात्से पुग्ने र लगत्तै नेपालतर्फ विस्तार गरिने संकेत गरेको छ।चिनियाँ प्रधानमन्त्री वेन जियाबाओले नेपाल भ्रमणको क्रममा गत शनिबार तिब्बत रेलमार्ग ल्हासाबाट काठमाडौं विस्तार गरिने जनाएलगत्तै बेइजिङमा यससम्बन्धी प्रगति विवरण सार्वजनिक भएको हो।

ल्हासा-सिगात्से खण्डमा पर्ने २ सय ५३ किलोमिटर रेलमार्गको ७७ प्रतिशत र उक्त भागमा पर्ने सुरुङ मार्गको ४० प्रतिशत निर्माण सम्पन्न भइसकेको तिब्बत क्षेत्रीय विकास तथा सुधार आयोगले मंगलबार जनाएको छ।

'तिब्बतको राजधानी ल्हासाबाट सिगात्सेतर्फ रेलमार्ग विस्तार कार्य तीव्र गतिमा भइरहेको छ, सन् २०१५ सम्म यो पूरा हुनेछ,' आयोग प्रमुख जीन सिसुनलाई उद्धृत गर्दै चीनको सरकारी समाचार संस्था सिन्ह्वाले जनाएको छ।

बेइजिङस्थित दक्षिण एसिया मामिला विज्ञहरूले एक दशकभित्रै नेपाललाई रेलमार्गले जोड्ने चीनको तयारी रहेको जनाएका छन्। चीनको राज्य परिषद् अन्तर्गतको संस्था सिआइसिआइआरको दक्षिण तथा दक्षिण पूर्व अध्ययन केन्द्रका निर्देशक हु शिशेङ नौ वर्षभित्र तिब्बत रेलमार्ग नेपालसँग जोडिने बताउँछन्।

नेपालको व्यापार घाटा ४ खर्ब नजिक

2070 Chaitra
आयातको तुलनामा उत्पादन तथा निर्यात उल्लेखनीरूपमा बढाउन नसक्दा नेपालको कुल व्यापार घाटा अझ वृद्धि भएको देखिएको छ। व्यापार तथा निकासी प्रवद्र्धन केन्द्रका अनुसार चालु आर्थिक वर्षको पहिलो ८ महिनामा नेपालको कुल व्यापार घाटा ३ खर्ब ९८ अर्ब ५२ करोड रुपियाँ पुगेको छ। यो अघिल्लो आवको सोही अवधीको भन्दा १७ दशमलव ८ प्रतिशतले बढी हो। निर्यातमा केही सुधार देखिएपनि अधिकांश प्रमुख वस्तुहरूको आयातमा उल्लेख्य वृद्धि भएका कारण व्यापार घाटा बढेको केन्द्रले जनाएको छ।
केन्द्रको प्रारम्भीक तथ्यांक अनुसार आव २०७०⁄७१ को प्रथम आठ महिनाको अवधीमा नेपालको कुल वैदेशिक व्यापार ५ खर्ब २० अर्ब ४८ करोड रुपियाँ पुगेको छ। यो अघिल्लो आवको सोही अवधीको भन्दा १८ दशमलव ४ प्रतिशतले बढी हो। कुल व्यापारमा निर्यात तथा आयातको योगदान क्रमशः ११ दशमलव ७ प्रतिशत र ८८ दशमलव ३ प्रतिशत रहेको छ। समीक्षा अवधीमा नेपालको कुल निर्यात २० दशमलव ३ प्रतिशतले वृद्धि भएको छ। उक्त अवधीमा नेपालले करीब ६० अर्ब ९८ करोड रुपियाँ बराबरका वस्तु निर्यात गरेको छ। त्यस्तै, आयात भने १८ दशमलव १ प्रतिशतले वृद्धि भई ४ खर्ब ५९ अर्ब ५० करोड रुपियाँ पुगेको छ। केन्द्रका अनुसार प्रथम आठ महिनाको अवधीमा निर्यात–आयात व्यापारको अनुपात १ः७.५ पुगेको छ।
समिक्षा अवधीमा उनी गलैचा, तयारी पोशाक, फलाम तथा स्टील, पोलिष्टार तथा धागोलगायत वस्तुको निर्यात बढेको देखिएको छ। त्यस्तै, मुसुरोको दाल, अदुवा, हर्बल, जुट तथा बोरा, मासु तथा मासुजन्य वस्तुको निर्यात भने घटेको छ। यस अवधीमा नेपालबाट भारत, संयुक्त राज्य अमेरिका, जर्मनी, चीन, बंगलादेश, बेलायत, अफगानिस्तान, फ्रान्स, जापानलगायत मुलुकमा बढी निर्यात भएको केन्द्रको तथ्यांक छ। उक्त अवधीमा फलाम तथा स्टील र तिनका उत्पादनहरू, पेट्रोलियम पदार्थ, यातायातका साधन र तिनका पार्टपुर्जा, इलेक्ट्रिक र इलेक्ट्रोनिक सामाग्री, औषधीलगायत वस्तुको आयात उल्लेखीयरूपमा बढेको छ। नेपालमा भारत, चीन, युएई, इन्डोनसिया, जापान, मलेसियालगायत मुलुकबाट उच्च आयात हुने गरेको छ।

फिनल्यान्डकी अन्तर्राष्ट्रिय विकासमन्त्री हाइडी

थप्रेक (तनहुँ), मंसिर १८ - छेउको तस्बिरले खास केही अर्थ राख्ला ? सम्भवतः राख्दैनथ्यो, यदि उनी आम नेपाली ग्रामीण महिला थिइन् भने । तर उनी हुन्- फिनल्यान्डकी अन्तर्राष्ट्रिय विकासमन्त्री हाइडी हाउटाला । फिनल्यान्ड सरकारको अनुदानमा सञ्चालित खानेपानी अवलोकन गर्न शनिबार

यहाँ आएकी उनले पुरानो कुवाबाट सञ्चालित धारामा पानी भरी डोकोमा बोकेकी हुन् ।

गाग्रीसहितको डोको बोकेर केही पाइला चाल्न खोजेकी उनी अघि बढ्न भने सकिनन् । भनिन्, 'ओहो यहाँका मानिसले पानीकै लागि खेप्नुपरेको सास्ती धेरै रहेछ भन्ने मेरो सानो अनुभवले देखाइसक्यो ।' त्यसपछि उनले डोको बिसाइन् । मन्त्री हाउटालासहित फिनल्यान्ड र नेपालका करिब २ दर्जन उच्च अधिकारीहरू करिब १५ मिनेट हिँडेर थप्रेक काठेपीपलका करिब ३५ घरले उपभोग गर्ने उक्त कुवा हेर्न गएका थिए । यात्राकै क्रममा समेत मन्त्री हाउटालालाई पटकपटक उनका सहयोगी र पश्चिम नेपाल ग्रामीण खानेपानी तथा सरसफाइ आयोजना तनहुँकी इन्जिनियर रुविका श्रेष्ठले हात समातेर हिँडाएकी थिइन् ।

नेपाल प्रहरीको दर्जा नेपालीमा

Insignia	Rank English                                                    नेपाली
	Inspector General of Police                   प्रहरी महानिरीक्षक
	Additional Inspector General of Police-प्रहरी अतिरिक्त महानिरीक्षक
	Deputy Inspector General of Police -प्रहरी नायब महानिरीक्षक
	Senior Superintendent of Police          प्रहरी वरिष्ठ उपरीक्षक
	Superintendent of Police                     प्रहरी उपरीक्षक
	Deputy Superintendent of Police         प्रहरी नायब उपरीक्षक
	Police Inspector                                 प्रहरी निरीक्षक
	Sub Inspector of Police                       प्रहरी नायब निरीक्षक
	Assistant Sub Inspector of Police        प्रहरी सहायक निरीक्षक
	Police Head Constable                          प्रहरी हल्दार
	Police Constable                                    प्रहरी जवान

डक्टरकी छोरी पोर्न स्टार

वासिङ्टनका डाक्टर केविन विक्सलाई आफ्नी छोरी मरियम विक्स पोर्ने स्टार बनिन् भन्ने सुन्दा उनलाई विश्वासै लागेन। तर मरियम स्वयंले ‘ड्याडी म पोर्न स्टार हुँु भनेपछि उनलाई विश्वास गर्न बाध्य भयो। १८ वर्षीया मरियमले यस्तो पेसा अपनाएको देख्दा उनका बुबा भने छाँगाबाट खसेजस्तै भएका थिए।
‘मैले उसलाई कुनै कुरामा कमी हुन दिएको थिइनँ। तर पनि उसले यस्तो कदम चाली।’ –मरियमका पिताले भनेका छन्। मरियमले भने आर्थिक अभावका कारण यस्तो पेसामा लागेको बताएकी छिन्। ‘मलाई घर परिवारले पोर्न इन्डस्ट्रीमा छिरेकामा राम्रो मानिरहेको छैन। तर यसको सबभन्दा ठूलो कारण भनेको आर्थिक थियो। ‘मलाई यति अभाव भयो कि मसँग फि तिर्ने पैसा पनि हुँदैन थियो’, उनले भनेकी छिन्– ‘मलाई ट्युसन पढ्न निकै खर्च लाग्थ्यो। पोर्न इन्डस्ट्रीमा मलाई राम्रो पैसा आउँथ्यो।’ मरियम वासिङटनको एक महँगो कलेजमा अध्ययन गर्थिन्। केविनका तीन सन्तानमध्ये मरियम एक हुन्। उनीकी आमा भने भारतीय मूलकी हुन्।

अस्ट्रेलियाले २ हजार विद्यार्थीको भिसा रोक्यो

25, 2014

उच्च शिक्षा अध्ययनका लागि अष्ट्रेलिया जान चाहने नेपाली विद्यार्थीको गलत ऋणको कागजात बनाएको भन्दै नयाँ दिल्लिस्थित अष्ट्रेलियन दुतावासदे करिब २ हजार नेपाली विद्यार्थीको भिसा आवेदन प्रक्रिया स्थगित गरेको खबर आजको नेपाल समाचार पत्रमा छापिएको छ।

नयाँ दिल्लीस्थित दूतावासले अष्ट्रेलियन विश्वविद्यालयलाई पत्र काटेर ति विश्वविद्यालयमा अध्ययन गर्ने विद्यार्थीको प्रक्रिया रद्द गर्न समेत पत्राचार गरेको छ।

अष्टेलिया जान लालायित विद्यार्थीले करिब १ लाख रुपैयाँ खर्च गरेर भिसा प्रक्रिया सुरु गरेका थिए। नेपालमा रहेका बैंकहरुले स्ट्यान्डर्ड पूरा नगरी मनपरी रुपमा ऋणको कागजात बनाएको जनाउँदै अष्ट्रेलियन दूतावासले भिसा प्रक्रिया रद्द गर्ने तयारी गरेहो छ। दूतावासको तथ्याङ्क अनुसार करिब २ हजार विद्यार्थीको प्रक्रियाको विषयमा अनुसन्धान भइरहेको छ।

नेपालबाट अष्ट्रेलिया पढ्न जाने विद्यार्थीको घुइँचोलागेसँगै बैंकलेसमेत मनपरी रुपमा ऋणको कागजात बनाउन थालेपछि समस्या बढेको स्रोतबो दाबी छ। बैंकको विषयमा शंका लागेपछि दूतावासले तत्कालका लागि सबै विद्यार्थीको भिसा प्रक्रिया स्थगित गरेको हो। दूतावासले नविल, एसविआईलगायत बैंकबाट मात्र कागजात तयार पार्न आग्रह गरेको छ। सबै विद्यार्थीको भिसा रद्द भयो भने करिब २० करोड रुपैयाँ जोखिममा पर्नेछ।

स्रोतका अनुसार नेपालमा संचालित एजिुकेशन कन्सल्टेन्सीले कुमारी, प्राइम, एनआइसी, एनबी, सानीमालगायत बैंकबाट पेपरलोन बनाउँदा गलत प्रकृया देखिएकोले भिसा प्रकृया रोक्का गरेको छ।

ल्याण्डमार्क एजुकेशन कन्सल्टेन्सीका संचालक कुमार कार्कीले कमर्सियल बैंकले ऋणको कागजात बनाउँदा प्रक्रिया नमिलेको भन्दै अष्ट्रेलियास्थित आधा दर्जनभन्दा बढी विश्वविद्यालयले इमेल पठाएर भिसा प्रकृयाको बारेमा थप अध्ययन भैरहेको जानकारी दिएको बताए । ‘दूतावासले विश्वविद्यालयलाई र विश्वविद्यालयले हामीलाई इमेल पठाएर ऋणको प्रकृयामा गलत नियत देखिएको जनाएका थिए। अहिले अष्ट्रेलिया हाइ कमिशनले बैंक, कन्सल्टेन्सी र अभिभावकसँग समेत जानकारी लिएको छ्’ उनले भने। कसको गल्ती भयो भन्न सकिँदैन, तर प्रक्रिया नपुगेको भन्दै भिसा प्रक्रिया रद्द गरी अधिकांश विद्यार्थीको कागजात पेन्डिङ गरी राखेको छ–कार्कीले भने।

नेपाली विद्यार्थीहरू अध्ययन गर्ने फारम भरेको मक्वाइरी, ओलङवाङ र अस्ट्रेलियन क्याथोलिक विश्वविद्यालयबाट इमेल पठाएर प्रकृया गलत भएको जानकारी दिएको छ। अष्ट्रेलियामा अध्ययन गर्न जाने विद्यार्थीलाई एजुकेशन कन्सलटेन्सीले विश्वविद्यालयदेखि दुतावाससम्म प्रकृया संचालन गरेवापत १० हजार र दुतावासले भीषा र अन्य प्रकृयाको लागि करिब ७५ हजार रुपियाँ लिने गरेका छन्। लामो समयदेखि अष्ट्रेलिया पढ्न जाने विद्यार्थीको भिसा नआएपछि ती विद्यार्थी अन्योलमा परेका छन्। बैंकको गलत प्रकृयाको विषयमा दूतावाससमेत गम्भीर भएको स्रोतको भनाइ छ। शैक्षिक परामर्श संघ नेपाल इक्यानका अध्यक्ष राजेन्द्र बरालले सबै विषयमा हल्ला मात्रै भएको बताउँदै नेपालका बैकले सबै कानुनी प्रकृया पुरा गरेर लोन दिएको दाबी गरे ।

अमेरिका कुद्‍ने ट्रकमा नेपाल !

 

दीपकदत्त गौतम, ब्राम्टन, टोरन्टो (क्यानडा), पुस २३- एक नेपालीले क्यानडा र अमेरिकामा चल्ने आफ्नो ट्रकमा नेपाल झल्काउने विभिन्न तस्बिर अंकित गरी पर्यटन प्रबर्द्धनको सुरुवात गरेका छन्। उनले ५३ फिट लामो १८ पांग्रे ट्रकको बायाँ भागमा पशुपतिनाथ मन्दिर, गैंडा, बाघ, ताल, जंगललगायतका तस्बिर राखेका हुन्। क्यानडा बसोबास गरिरहेका नरबहादुर टन्डनले यसका लागि ५ हजार ५ सय क्यानेडियन डलर (करिब पाँच लाख रुपैयाँ) खर्च गरेको बताए।

वर्षेनी २२ हजार बंगलादेशी नेपाली पासपोर्टबाट विदेशिँदै

सुरेन्द्र पौडेल, काठमाडौं, साउन २३- केन्द्रीय अनुसन्धान ब्युरो (सिआइबी) स्रोतका अनुसार वार्षिक झन्डै २२ हजार बंगलादेशी नागरिक नेपाली राहदानीमा त्रिभुवन अन्तर्राष्ट्रिय विमानस्थलबाट विदेशिने गरेका छन्। अधिकांश बंगलादेशी खाडी राष्ट्रमा काम गर्न नेपाली राहदानी र नेपालको बाटो हुँदै जाने गरेको अनुसन्धानमा भेटिएको छ।

• नेपाली राहदानीमा तिब्बती शरणार्थीलाई विदेश पठाउने गिरोहसँग सम्बन्ध रहेको भन्दै प्रहरीको केन्द्रीय अनुसन्धान ब्युरोले अध्यागमन अधिकृत घनश्याम गौतमलाई बुधबार पक्राउ गर्‍यो। साउन १० मा नेपाली राहदानीसहित पक्राउ परेका दुई तिब्बती शरणार्थीलाई अमेरिका पठाउन खोज्ने छिरिङ टासी गुरुङको बयानका आधारमा गौतम अनुसन्धानमा तानिएका हुन्। उनले 'प्रतिव्यक्ति २५ हजार रुपैयाँमा तिब्बती शरणार्थीलाई विमानस्थल कटाउने जिम्मा लिने गरेको' गुरुङको बयान छ।

• वैशाख अन्तिम साता अख्तियार दुरुपयोग अनुसन्धान आयोगले त्रिभुवन अन्तर्राष्ट्रिय विमानस्थलस्थित अध्यागमनका पाँच कर्मचारीमाथि राहदानी हेरफेर गरेको आरोपमा विशेष अदालतमा मुद्धा दायर गर्‍यो। सभासदद्वय गायत्री साह र बिपी यादवको राहदानीमा फोटो परिवर्तन (पिसी) गरी अबुधावी पुगेका पृथ्वी छन्त्याल र सीता साहलाई अध्यागमन पार गर्न सघाएको आरोपमा पाँच कर्मचारी भूमिनन्द भण्डारी, श्यामबाबु भण्डारी, देवीदत्त खत्री, खडानन्द ढकाल र इन्द्र सुनुवारविरुद्ध मुद्धा दायर गरिएको हो।

• वैशाख पहिलो साता नेपाली राहदानीमा भारतको मधुवानी जिल्ला खजौली ग्राम- ३ का २१ वर्षे डुमो मण्डल कतार पुगे। उनले धनुषा, उमाप्रेमपुर- ७ का २१ वर्षे गंगरु मुखियाको नाममा रहेको ४७९६२९० नम्बरको राहदानी प्रयोग गरेका थिए। ती भारतीय नागरिकले 'नेपाली एजेन्टलाई १ लाख ३५ हजार रुपैयाँ बुझाएर त्रिभुवन विमानस्थलबाट उडेको' बयान दिए। यसको ठिक एक साताअघि एक बंगलादेशी नागरिक नेपाली राहदानीमा कतारको दोहामा पक्राउ परेका थिए।

• दुई साताअघि कुवेतस्थित नेपाली दूतावासले 'मृत्यु भएका ६ नेपाली कामदारको वास्तविक पहिचान खुल्न नसक्दा लास नेपाल पठाउन कठिनाइ भएको' सूचना प्रकाशित गरेको थियो। सूचनामा मृत भनिएका ६ मध्ये म्याग्दी, बाबियाचौर-५ की शान्ति दर्जीले गत साता गाविस कार्यालय गएर आफू जीवितै भएको लिखित दाबी गरिन्। उनको नाममा जारी भएको २७२१७२१ नम्बरको राहदानी कुवेतमा भेटिएको थियो। उनले कुवेत जान आफ्नो राहदानी एकजना दलाललाई बुझाएको र फिर्ता नपाएको स्विकारिन्। उनको राहदानी 'पिसी भएको' जिल्ला प्रशासन कार्यालयको ठहर छ।

नेपाली राहदानी दुरुपयोग गरी 'मानव तस्करी' गरिएका केही उदाहरण हुन् यी।

धेरै नेपालीको अझै हस्तलिखित राहदानी भएकाले सक्कली हो/होइन जाँच्न समस्या छ। मानव तस्करीमा संलग्नहरूले यसैको फाइदा उठाइरहेका छन्। यसमा केही अध्यागमन कर्मचारीको पनि सहयोग छ।

अरू देशमा सामान्य अन्तर्राष्ट्रिय उडान भर्ने विमानस्थलमा समेत एमआरपी र हस्तलिखित राहदानी जाँच्ने मेसिन हुन्छ। नेपालको एकमात्र अन्तर्राष्ट्रिय विमानस्थलमा भने हस्तलिखितका हकमा यस्तो सुविधा छैन।

अध्यागमन विभागले २०६६ साउनमा झन्डै ८५ लाख रुपैयाँ खर्चेर हस्तलिखित राहदानी 'रिड गर्ने' मेसिन (भिएससी-६०००) युरोपबाट ल्याएको थियो। विमानस्थलको अध्यागमन कार्यालयमा राख्ने भनी ल्याइएको त्यो मेसिन कर्मचारीहरूले जडानै गर्न दिएनन्। कर्मचारी दबाब थेग्न नसकेर विभागले आफ्नै कार्यालयमा राख्यो।

विभागका केही कर्मचारीले गत वर्ष उक्त मेसिन विमानस्थलमै राख्नुपर्ने कुरा उठाए। तर, विमानस्थल अध्यागमनका केही कर्मचारी आफ्नो पहिलेको अडानबाट टसमस भएनन्। विभागले पनि हस्तक्षेप गर्नुको सट्टा चुपचाप मेसिन कार्यालयमै थन्क्याएर राखेको छ।

'विमानस्थलमै मेसिन जडान गरिएको भए शंका लागेका हस्तलिखित राहदानी सक्कली हो/होइन तुरुन्तै पत्ता लगाउन सकिन्थ्यो,' अध्यागमनका एक कर्मचारीले भने।

मेसिनले पढ्ने राहदानी (एमआरपी) जाँच्न भने आगमन र प्रस्थानमा १०/१० गरी २० वटा मेसिन राखिएका छन्, जसले राहदानीको सम्पूर्ण सूचना तत्कालै कम्प्युटर स्त्रि्कनमा देखाइहाल्छ। नक्कली बारकोड प्रयोग गरिएको भए पनि तुरुन्तै पत्ता लाग्छ।

'हस्तलिखित राहदानीवाहकलाई यो प्रविधिले समात्न सक्दैन,' ती अध्यागमन कर्मचारीले भने, 'यसैको फाइदा मानव तस्करहरूले उठाइरहेका छन्।'

उनका अनुसार हस्तलिखित राहदानीवाहकको हकमा कति नम्बरको पासपोर्टमा कुन देश गएको भन्ने जानकारीमात्र कम्प्युटरमा राखिन्छ। त्यो पनि विमानस्थलमा उत्तिखेरै राख्न भ्याइँदैन। यात्रुले भरेको कार्ड पर्यटन मन्त्रालय पठाएर सूचना 'इन्ट्री' गराउन कम्तीमा एक साता लाग्छ।

अध्यागमन विभागका एक पूर्वमहानिर्देशकका अनुसार हस्तलिखित राहदानी जाँच्ने मेसिन विमानस्थलमा नराख्दा राहदानी दुरुपयोग गर्ने गिरोहलाई सहायता पुगेको छ। यो गिरोहमा अध्यागमन, राष्ट्रिय अनुसन्धान विभाग, नेपाल प्रहरी, परराष्ट्र मन्त्रालयका केही कर्मचारीको मिलेमतो रहेको उनको ठहर छ।

'यो गिरोह यति सक्रिय छ, विमानस्थलमा कति बेला कुन पावर सर्किट बिगारे अध्यागमनको कुन काउन्टरमा बत्ती बल्दैन भन्नेसम्म जानकारी राख्छ,' उनले कार्यकालको अनुभव सुनाउँदै भने, 'विमानस्थलमा घरिघरि बत्ती जानुको कारण यही हो।' व्यस्त समयमा बत्ती गए एमआरपीसमेत जाँच्न समस्या हुने उनले बताए।

सिआइबीको अनुसन्धानबाट राहदानी दुरुपयोगका केही 'आश्चर्यलाग्दा' घटना पनि सार्वजनिक भएका छन्।

विमानस्थलको अध्यागमन काउन्टरसम्म सक्कली राहदानीवाहक नै पुगेर कागजपत्र जाँच गराएको र पछि अर्कै व्यक्ति उडेको फेला परेको स्रोतले बतायो। 'यसले विमानस्थलमा मानव तस्कर गिरोहको चलखेल पुष्टि गर्छ,' सिआइबी स्रोतले भन्यो।

विभागका महानिर्देशक जन्मजय रेग्मी राहदानी दुरुपयोग गर्ने 'गिरोहको ठूलो नेटवर्क भएको' स्वीकार गर्छन्।

'नयाँ प्रविधि राख्न सकेका छैनौं। नयाँ प्रविधि जडान गर्न सके राहदानी दुरुपयोगमा संलग्नको पहिचान गर्न सहज हुन्थ्यो,' उनले भने।

हस्तलिखित राहदनी दुरुपयोग रोक्न अध्यागमनका अर्का पूर्वमहानिर्देशक नारायणप्रसाद सञ्जेलले केही उपाय सुझाएका छन्।

उनका अनुसार सबभन्दा पहिला बोर्डिङ पास जारी गराउँदा नै राहदानी जाँच्ने व्यवस्था गर्न सकिन्छ। दोस्रो, श्रम स्टिकरमा अनिवार्य रूपले फोटो राख्नुपर्छ। सबभन्दा बढी राहदानी दुरुपयोग खाडी राष्ट्र जाने कामदारहरूमा भइरहेको अनुसन्धानले देखाएको छ। श्रम स्टिकरमा नाममात्र नभई सम्बन्धित व्यक्तिको फोटोसमेत राखे राहदानी उसैको हो कि होइन पत्ता लाग्ने उनले बताए।

'विमानस्थल अध्यागमनमा अनिवार्य रूपले हस्तलिखित राहदानी जाँच्ने मेसिन राख्नुपर्छ,' सञ्जेलले भने, 'कार्यालयमा थन्क्याएर राख्नुको कुनै औचित्य छैन।'

उनका अनुसार सन् २००९ मा जर्मनको फ्रयांकफ्रट विमानस्थलमा शंका लागेर जफत गरिएका ५५ हजार हस्तलिखित राहदानीमध्ये १६ हजार पिसी गरिएको भेटिएको थियो।

सबभन्दा बढी हेरिएको अश्लिल भिडियो

लस एञ्जल्स । आफ्नो सेक्सी सुन्दरताका कारण सधैं चर्चामा रहने गरेकी हलिउड अभिनेतृ पेरिस हिल्टन एक पटक पुनः चर्चामा आएकी छन्।

 हलिउड अभिनेतृ कयौ पटक अजिव गतिविधिका कारण चर्चामा आउने गरेकी छन्। तर, यस पटक भने उनी चर्चामा आउनुको कारण उनको अनलाइनमा राखिएको भिडियो सन् २००९ मा सबैभन्दा बढी हेरिएको अश्लिल भिडियो बन्नु हो।

उक्त भिडियोमा पेरिसलाई नुहाउँदै गरेको अवस्थामा देखाइएको छ। नुहाउने क्रममा पेरिसले आफ्नो सबै कपडा उतारेर राखेकी थिइन् । यो भिडियो करिब १.५ मिलियनले हेरेका थिए ।

यद्यपि यो भिडियो सन् २००७ मै आएको हो । तर दर्शकले यस सन् २००९ मा बढी हेरिएको भिडियोमा पारेका छन्। अब हेर्न यो बांकी छ कि पेरिसले यसबाट कति फाइदा लिने छिन्। एजेन्सी